આધારને લઈને EPFOએ લીધો મોટો નિર્ણય, હવે તમે નહીં કરી શકો આ કામ... વાંચો વિગતો

એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) દ્વારા એક નિર્ણય લેવામાં આવ્યો છે, જેમાં જન્મ તારીખ અપડેટ કરવા માટે સ્વીકાર્ય દસ્તાવેજોની યાદીમાંથી આધારને હટાવી દેવામાં આવ્યો છે. એટલે કે હવે EPF ખાતામાં જન્મ તારીખ અપડેટ કરવા માટે આધાર સ્વીકારવામાં આવશે નહીં.

EPFO તરફથી મોટા સમાચાર આવી રહ્યા છે. હવેથી તમે જન્મતારીખના અપડેટ અને સુધારા માટે આધાર કાર્ડનો ઉપયોગ નહીં કરી શકો. EPFOએ આધાર કાર્ડ સ્વીકારવાનો ઈન્કાર કરી દીધો છે. મીડિયા રિપોર્ટ અનુસાર, કર્મચારી ભવિષ્ય નિધિ સંગઠન દ્વારા આ સંબંધમાં એક માર્ગદર્શિકા જારી કરવામાં આવી છે. એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO)એ ભારતના શ્રમ અને રોજગાર મંત્રાલયનો એક ભાગ છે. EPFOએ કહ્યું છે કે જન્મતારીખના પ્રમાણપત્ર તરીકે સ્વીકારવામાં આવેલા દસ્તાવેજોની યાદીમાંથી આધારને હટાવી દેવામાં આવ્યો છે.

UIDAI તરફથી એક પત્ર મળ્યો
UIDAI તરફથી એક પત્ર મળ્યો છે, જેમાં કહેવામાં આવ્યું છે કે DoBના પુરાવા તરીકે આધારનો ઉપયોગ ન કરવો જોઈએ. જો તેનો ઉપયોગ થઈ રહ્યો હોય તો તેને સ્વીકાર્ય દસ્તાવેજોની સૂચિમાંથી દૂર કરવાની જરૂર છે. આ પત્ર પછી, EPFO ​​દ્વારા 16 જાન્યુઆરી, 2024ના રોજ એક પરિપત્ર જારી કરવામાં આવ્યો છે, જેમાં આ સંબંધમાં માહિતી આપવામાં આવી છે.

ઓગસ્ટ 2023ના રોજ જારી કરાયેલા EPFOના પરિપત્ર મુજબ, તમે જન્મતારીખ બદલવા માટે આ દસ્તાવેજોનો ઉપયોગ કરી શકો છો-

>> જન્મ અને મૃત્યુ રજીસ્ટ્રાર દ્વારા જારી કરાયેલ જન્મ પ્રમાણપત્ર
>> સરકારી બોર્ડ અને યુનિવર્સિટીઓ દ્વારા જારી કરાયેલ માર્કશીટ
>> આ સિવાય તમે સ્કૂલ લીવિંગ સર્ટિફિકેટ (SLC), ટ્રાન્સફર સર્ટિફિકેટ (TC) અને SSC સર્ટિફિકેટનો ઉપયોગ કરી શકો છો, જેમાં નામ અને જન્મ તારીખ શામેલ હોય છે.
>> પાસપોર્ટ
>> પાન કાર્ડ
>> કેન્દ્ર/રાજ્ય સરકારની સંસ્થાઓના સેવા રેકોર્ડ પર આધારિત પ્રમાણપત્ર
>> સરકાર દ્વારા જારી કરાયેલ રહેઠાણનું પ્રમાણપત્ર.

આધારનો ઉપયોગ કેમ ન થઈ શકે?
આધારને ઓળખના પુરાવા અને સરનામાના પુરાવા તરીકે ઓળખવામાં આવે છે. તે જ સમયે, તમે તેનો ઉપયોગ જન્મ તારીખ (DoB) પ્રમાણપત્ર તરીકે કરી શકતા નથી. આધાર એ 12-અંકનો વ્યક્તિગત ઓળખ નંબર છે જે ભારત સરકાર વતી યુનિક આઈડેન્ટિફિકેશન ઓથોરિટી ઓફ ઈન્ડિયા દ્વારા જારી કરવામાં આવે છે. આ નંબર ભારતમાં ગમે ત્યાં ઓળખ અને સરનામાના પુરાવા તરીકે કામ કરે છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India